Click on a word to bring up parses, dictionary entries, and frequency statistics
[58]
Sed ut homines labore adsiduo et cotidiano adsueti,
cum tempestatis causa opere prohibentur, ad pilam se
aut ad talos aut ad tesseras conferunt aut etiam novum
sibi ipsi aliquem excogitant in otio ludum, sic illi a negotiis
publicis tamquam ab opere aut temporibus exclusi aut
voluntate sua feriati totos se alii ad poetas, alii ad geometras,
alii ad musicos contulerunt, alii etiam, ut dialectici,
novum sibi ipsi studium ludumque pepererunt atque in eis
artibus, quae repertae sunt, ut puerorum mentes ad humanitatem
fingerentur atque virtutem, omne tempus atque aetates
suas consumpserunt.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.